Nokkrar sta­reyndir um leikskˇlagj÷ld

Guðfinna M Hreiðarsdóttir og Guðný Stefanía Stefánsdóttir skrifa á BB.is um leikskólagjöld, sjá hér

 

Einnig má lesa greinina hér:

 

Nokkrar staðreyndir um leikskólagjöld
Ekkert er mikilvægara en velferð barnanna okkar. Þegar fólk velur sér búsetu er eðlilegt að það horfi til þeirrar þjónustu sem í boði er á hverjum stað með hag barnanna að leiðarljósi. Góðir leikskólar og grunnskólar eru því grundvallaratriði. Sveitarfélögin gera sitt besta til að koma til móts við þarfir íbúanna og veita eins góða þjónustu og þeim er mögulegt miðað við þær tekjur sem þau hafa til ráðstöfunar. Alltaf heyrast raddir um lækkun leikskólagjalda og er það ekki óeðlilegt þar sem þau geta verið talsverður útgjaldaliður hjá fjölskyldum, allt eftir fjölda barna og hversu mikil vistunin er. Framundan eru sveitarstjórnarkosningar og nú er þrýst á frambjóðendur að lækka leikskólagjöld. Auðvitað vilja allir lækka þau, en er það raunhæft í ljósi efnahagsþrenginga og niðurskurðar?

75% niðurgreiðsla leikskólagjalda

Samkvæmt fjárhagsáætlun Ísafjarðarbæjar er gert ráð fyrir að heildarkostnaður við leikskóla í Ísafjarðarbæ verði rúmar 296 m.kr. á árinu 2010. Af þessum kostnaði greiða foreldrar leikskólabarna rúmar 73 m.kr. en bæjarfélagið rúmar 222 m.kr. króna eða 75% af heildarkostnaðinum. Þetta þýðir einfaldlega að foreldrar greiða ¼ þess kostnaðar sem fylgir því að hafa barn á leikskóla, hitt borgar samfélagið.

Oft er talað um að leikskólagjöld (án fæðisgjalds) í Ísafjarðarbæ séu með þeim hæstu á landinu. Það er ekki fjarri sanni en það er langt frá því að bæjarfélagið trjóni þar eitt á toppnum. Mörg sveitarfélög eru á svipuðu róli enda geta fæst þeirra keppt við Reykjavík eða önnur stór sveitarfélög sem í krafti stærðar og hagkvæmni geta boðið upp á lægri leikskólagjöld. Það verður hins vegar að halda því til haga að í Ísafjarðarbæ er frítt fyrir 5 ára börn 4 klst. fyrir hádegi og væri sú breyta reiknuð inn í meðaltal þá lækkuðu leikskólagjöldin talsvert. Þannig kostar 8 tíma vistun fyrir 5 ára börn þá kr. 12.496 á mánuði en er kr. 14.442 í Reykjavík (skv. gjaldskrá 1. sept. 2009). Meðal sveitarfélaganna er líka misjafnt hversu mikill afsláttur er veittur fyrir systkini, þ.e. barn tvö og þrjú. Þar er Ísafjarðarbær vel samkeppnisfær, veitir 30% afslátt á öðru barni og gjaldfrjálst er fyrir þriðja barn. Hins vegar getur ekkert sveitarfélag á landinu, hvorki stórt né smátt, keppt við Reykjavíkurborg sem veitir 100% afslátt eftir fyrsta barn.

Engin óábyrg kosningaloforð

Í Ísafjarðarbær eru góðir leikskólar með frábæru starfsfólki sem býr yfir mikilli fagþekkingu. Mikill metnaður er lagður í að bjóða þar upp á góða þjónustu, bæði fyrir börn og foreldra. Reynt er að halda gjaldtöku fyrir þessa þjónustu í lágmarki og bærinn niðurgreiðir hana eins og svigrúm er til, eða um 75% eins og gjaldskráin er núna. Það er mikil ábyrgð að fara með almannafé og bæjarfulltrúum ber skylda til að ráðstafa fjármunum sveitarfélagsins á skynsamlegan hátt. Þeir verða að sníða sér stakk eftir vexti og meta aðstæður hverju sinni. Að lofa því núna fyrir kosningar að lækka leikskólagjöld væri óraunhæft og fullkomlega óábyrgt þegar horft er til þeirra efnahagsþrenginga sem við er að glíma. Verulegur niðurskurður er staðreynd sem langflest sveitarfélög standa frammi fyrir og sér ekki fyrir endann á. Þar heyrast nú víða raddir um nauðsynlega hækkun leikskólagjalda, jafnvel í Reykjavík. Það er því stór ákvörðun að halda leikskólagjöldunum óbreyttum, en það er markmið sjálfstæðismanna í Ísafjarðarbæ. Þessi mál eiga að sjálfsögðu að vera í stöðugri endurskoðun með það að markmiði að gera betur, bæði hvað varðar þjónustu og lækkun gjaldskrár. En allt hefur sinn tíma og að þessu sinni er umræða um lækkun leikskólagjalda ótímabær.

Guðfinna M. Hreiðarsdóttir,
Guðný Stefanía Stefánsdóttir.
Þær skipa 3. og 6. sæti á framboðlista sjálfstæðismanna í Ísafjarðarbæ.













Ţmsir vestfirskir tenglar

┴hugavert

Flokksstarfi­

SveitarfÚl÷g





© EirÝkur Finnur Greipsson | VefsmÝ­i: Styx ehf./Magn˙s Hßv.